Þessa dagann er ég að uppfæra heimasíðuna. Hef fært inn upplýsingar um afkvæmi ræktunnarhryssnana, sett inn myndir af þeim og bætt inn upplýsingum um nýja ræktunnargripi. Nokkrir stóðhestar eru seldir og farnir úr landi og aðrir bæst í hópinn. Þessar upplýsingar eru flestar að finna á sínum stað og er það okkar von að það sé fróðlegt og gaman að skoða ræktunnargripina og afkvæmi þeirra. Stefnt er á að leggja inn vídeo af graðhestum og söluhestum, en við höfum verið frekar dugleg að vídeomynda og mynda sýningarnar hjá okkur. Síðann er stefnt að því að taka sölusíðuna algerlega í gegn, en segja má að hún hafi verið í lamasessi frá upphafi.

 

 

 

 

 Þessa mynd tók Bergur í dag þegar við vorum

 að vinna i reiðhöllinni. Það er gott að geta

verið inni,  þegar kalt er og hart undir fæti.

Þá er komið að Heilladísi, dóttir Álfadísar frá Selfossi og Suðra frá Holtsmúla. Eins og margir vita var Suðri keppnishesturinn minn til margra ára og mun alltaf vera í miklu uppáhaldi hjá mér. Enda er hann hreyfingamikill, gullfallegur, tinnusvartur orkuhestur. Ég gerði mér grein fyrir því að undan Suðra og Álfadísi myndi ég ekki fá vinsælan stóðhest, svo óskin var skýr, brúnskjótt hryssa skyldi það vera og það var akkurat það sem það varð. Mikið var ég glöð, en hún var nú svo sem ekkert spes í uppeldinu, hun var alltaf gullfalleg en gangsöm. það er reynar algengt í ættini hennar, Grýla amma, Kolfinnur langafi og Glókolla langalangamma voru alltaf á gangi undir sjalfusér og oft á lulli eða einhvert töltívaf. Maður er svo sem alveg slakur yfir því en það er nú óneitanlega skemmtilegara að sjá tölt og brokk.

Við byrjuðum að temja hana á fjórða vetur hún tók tamningunni vel og sýndi strax að hún var hreyfingamikil og var ótrúlega skreflöng. Ég sýndi hana á síðssumsarssýningu um haustið þegar hún var  fjögurra vetra, Þá án skeiðs enda taldi ég mig ekki þurf á því að halda til þes að hún fengi viðunandi dóm svona 7,80 til 90. En raunin var nú önnur,hún fékk langtum lægra fyrir byggingu en við höfðum búist við og svo var hún einhvernveiginn að fara úr formi, varð kraftlaus, veðrið var ömurlegt, brautin þúng og ............dómararnir neikvæðir og niðurstaðan var 7,63. Verð bara að viðurkenna að það var tala, sem ég í mínum villtustu draumum eða martröðum hefði ekki getað ímyndað mér. Þannig að égvarð bara að fara hálfgrátandi heim og burðast með þetta í ár, eða þangað til ég gæti sýnt hana aftur. Djöfull var  það sárt.

Svo kom annað ár og Heilladís kom miklu öflugri inn, þjálfunin gékk vel og ég fór að eiga við skeiðið sem  var mjög opið og auðvelt. Hún veiktist eins og öll hin hrossin og varð ég þess vegna að bíða fram að síðssumarssýninguna til að sýna hana.Hún var í fínu formi og ekki að finna á henni að hún hafði verið veik.   Sýningin gékk vel og myndirnar sem fylgja hér á eftir eru allar frá þeirri sýningu.

Eftir á að hyggja finnst mér að blandan Suðri/ Álfadís hafi tekist frábærlega vel. Hún er sterklík þeim báðum. Heilladís er fylfull við Auð frá Lundum sem mér finnst vera óvenjulega flottur hestur.

 

Sköpulag: 8,5 8,0 8,0 8,5 7,5 8,0 8,0 9,0 samtals 8,09 

hæfileika: 8,5 8,5 8,0 8.0 8,5 9,0 8,5 9,0 8,5 samtals 8,46 aðaleink. 8,32 

 

Nú er ég búin að skrifa um hryssurnar sem eru farnar úr ræktun hjá okkur og komin tími til að skrifa um þær sem  komnar eru í ræktun, en á þessu ári eru það tvær, hálfsysturnar Heilladís og Silfurtá. Silfurtá er undan Myllu frá Selfossi og Suðra frá Holtsmúla. Mylla frá Selfossi er undan Musku frá Stangarholti og Kolfinni frá Kjarnholtum.

Þegar Silfurtá var veturgömul slasaðist hún illa á fæti, fannst með slitna sin á afturfæti, svo illa að tveir  dýralæknar gáfu henni dauðadóm. Á þessum tíma gékk þetta brösulega hjá mér og var ég nýbúin að þurfa að fella tvö stórættuð tryppi og var ekki á því að fella það þriðja. Enda var ég búin  að sjá mjög flotta takta hjá henni sem folaldi  og var alveg tilbúin að reyna allt sem hægt væri. Svo ég hringdi í Susi Braun sem var frekar nýkomin til Íslands og vissi ég að hún notaði Ýmsar aðferðir sem ekki voru venjulegar hér á landi. Svo vildi til að hún var stödd erlendis en þegar ég var búin að útskýra málið fyrir henni, var hún harðákveðin í að reyna að bjarga henni. Hún sagði mér að það væru miklar líkur á því að hún myndi hafa það og þónokkur möguleiki á því að hægt væri að ríða á henni líka. Björgvin þórisson félagi hennar, og hún tóku málið að sér, Silfurtá var sett í gips og stóð inni í stíu í hálft ár nánast hreyfingalaus. Þetta var ótrúlega mikið álag á lítið tryppi, en hún var frá fyrstu stundu draumasjúklingur, það var eins og hún vissi að hún þurfti á okkur að halda til að hafa það af. Hún stóð eins og klettur þegar gipsið var sagað af henni í fyrsta sinn með slípirokk og það var alveg sama hvað hún var stungin oft með sprautunál, það var eins og það snerti hana ekki. Eftir á að hyggja held ég einmitt að geðslagið hennar hafi verið stór þáttur í því að hún bjargaðist, hún tók öllu með jafnaðargeði. Hún var alltaf jákvæð og yfirveguð. Þegar hálft ár var liðið frá slysinu, fór hún til frekarri umönnunnar til Helgu í Flagbjarnarholti, þar dvaldist hún í u.þ.b  hálft ár, þar var hún þjálfuð, meðhöndluð og dekruð, eins og BARA Helga og Súsi geta. Það kom upp ýmis vandamál á leiðinni, en Súsi var alltaf skrefinu á undan, ekkert kom henni á óvart, hún hafði alltaf svar við öllu. Frá Flagbjarnaholti lá leiðin í Áskot til Arnheiðar og Jakobs þar sem sundið var liður í því að ná bata og Susi fylgdi henni eftir. 

Endirinn á vísunni var sá, að á fimmta vetur var hún tamin, tamningin gékk vel og sýndi hún strax flottar hreyfingar og gott geðslag. Þótt hún hafi ekki verið hölt, var fóturinn alltaf eitthvað að ángra hana og ef henni var riðið ákveðið mikið bar á bólgu í fætinum. Á sjötta vetur reyndi ég aðeins meira en það var augljóst að fóturinn var of stirður og plagaði hana alltaf eitthvað, svo í vor ákvaðum við bara að halda henni.  Enda var ég búin að kynnast henni nóg til að finna að hún var gott hestefni, jöfn og góð fjórgangshryssa, búin að erfa frábæra stökkið hans pabba síns, flottur fótaburður og  geðslagið og viljin mjög góður. Silfurtá var haldið undir Hróðssonin Hug frá Ketilsstöðum sem er kraftmikill alhliða hestur með flottan dóm 8,51 fyrir hæfileika 5 vetra gamall. 

Það var komið drep i beinið	Silfurtá komin i gips
Sissel tók sér tima til að knúsa hana, enda ekki erfitt, elskuleg eins og hún var.	Mikill bati
Barnaleikföng voru notuð	Susi með laserin, Eir og Ellen aðstoða
Kjúkan mjög sigin	Svona litur hún út í dag, það þarf ekki að kvetja hana mikið til að syna sig.

 

 

Jæja, þá er það hún Vakning frá Ketilsstöðum, stoltið og heiðursverðlaunahryssan sem ég ætla að skrifa um. Vakning er orðin 25 vetra gömul undan Snekkju frá Ketilsstöðum og Hrafni frá Holtsmúla. Hún var efsta hryssa í fjögurra vetra flokki á FM´89 og hæðsti dómur hennar er 8,02, með 8,27 fyrir hæfileika, þar af 9,0 fyrir skeið og vilja, aðeins fimm vetra gömul. Á landsmótinu 2004 hlaut hún síðan heiðursverðlaun fyrir afkvæmi.

 Vakning eignaðist fimmtán afkvæmi, níu hryssur og sex hesta, átta þeirra hafa hlotið kynbótadóm. Aðaleinkunn þeirra er 8,10 og hafa sex þeirra hlotið 1 verðlaun. Eins og er eru tvær hryssur undan Vakningu í ræktun hér hjá okkur, en það eru Hlín og Hefð. Hlín var sýnd á FM´99 fjögurra vetra gömul,og fékk 7,94 í aðaleinkunn og árinu  á eftir fékk hún 8,10 i aðaleinkunn þ.a 9,0 fyrir vilja og 8,5 fyrir skeið. Hefð var synd aðeins fjögurra vetra gömul á LM´02 fékk 8,03 og fór beint í ræktun. Þriðja Hryssan, Alda undan Gusti frá Hóli drapst á sjötta vetur fylfulla við Leikni frá Vakursstöðum, en fimm vetra gömul var hún komin með 8,35 í aðaleinkunn og fannst okkur mikil eftirsjá í henni enda alger gæðingur. Svo er það hún Bylgja fjögurra vetra alsystir Brimnis, hún er falleg og efnileg hryssa og ætlaði ég að sýna hana í kynbótadóm í haust en hún marðist í hóf stuttu fyrir og var hún greinilega ekki alveg búin að jafna  sig því að á syningardaginn heltist hún aftur og var ekkert annað að gera en að fara af baki, hlaut hún þó 8,09 fyrir sköpulag sem er ágætis byrjun. 

Undan Vakningu hafa komið þrír fyrstu varðlauna stóðhestar, Ægir, albróðir Öldu var sýndur fjögurra vetra á LM 2000 og fékk 7,95 í aðaleinkunn, árið  eftir varð hann  efsti stóðhestur í fimm vetra flokki á HM í Austurriki0 2001 með aðaleink. 8,25. Í framhaldi af því var hann seldur til Danmerkur og feldur þar nokkrum árum seinna vegna fótameiðsla. Vakar er undan Brjáni frá Reykjavik og er einnig með 8,25 í aðaleinkunn. Hann er með 8,28 fyrir sköpulag og 8,23 fyrir hæfileika þ.a. sex níur og byrjaður á keppnisbrautinni með ágætis árangur. Þriðji sonurinn er síðan Brimnir undan Álfasteini sem er fimm vetra gamall með 8,45 í aðaleinkunn. Brimnir er hæðstdæmdi fimm vetra folinn í heiminum i ár, er með 8, 28 fyrir sköpulag og 8,56 fyrir hæfileika þar af 9,0 fyrir skeið og vilja eins og móðirin. Í fyrra sónaðist Vakning fylfull við Álffinni en einhvertíma vetrarins missti hún það og ekkert gékk að koma í hana fyli í sumar, enda er hún orðin ansi veil í fótum og liklega ansi tæpt að ætla henni þetta mikið lengur. Undan Vakningu eru til tvö myndartryppi undan þeim bræðum Gandálfi og  Alvari sem við gerum okkur miklar vonir með. Þó að aðeins séu til tvær hryssur í ræktun hér hjá okkur undan Vakningu eru til tvö afkvæmi Ægis en hann var notaður pínulítið á Ketilsstöðum áður en hann fór utan og komu tvö úrvalshross út úr því, þau Júlía og Kraflar. Svo eru til tvær ungar Álfasteinsdætur þær Bylgja dóttir hennar og Drift dótturdóttur hennar undan Hefð sem við gerum okkur miklar vonir með. Það er vissulega mikil eftirsjá af Vakningu, sérstaklega þegar við erum búin að míssa sum afkvæmi hennar allt of snemma, eins og alsyskinín Öldu og Ægir, en hún skilur samt eftir sig sterkan ættboga í stóðinu hjá okkur. 

	Jón Bergsson og Vakning LM 2004
Hlín og Bergur LM 2000	Ægir og Bergur á HM 2001
Hefð og Begur LM 2002	Alda og Bergur FM 2007
Vakar og Max Olausson	Brimnir og Bergur
	Pegasus undan Alvari, f. 2009
Bergur og Júlía undan Ægi	Olil og Kraflar undan Ægi

     

Muska frá Stangarholti er líka farin úr ræktun en hún drapst í fyrra aðeins 15 vetra gömul,hún varð fyrir því að eitthvað stakkst í gegn um bógblaðið og virtist hún ná sér að fullu eftir það en seinna um veturinn datt hún dauð niður og vitum við enga skyringu á því. Hún var dóttir Muggu frá Kleifum sem ég skrifaði um hér i greinini á undan, faðir hennar var  Frama frá Bakka, en Frami er undan Létti frá Sauðarkróki og svo er hann sammæðra Baldri frá Bakka, undan Söndru frá sama bæ. Muska var með 7,79 í kynbótadóm, um 8,5 fyrir flest atriði í hæfileikum. Hún var sýnd sem klárhryssa en bjó yfir einhverju skeiði, sem kemur ágætlega fram í mörgum af hennar afkvæmum.   Muska var með jafnar og góðar gangtegundir og eins og móðir hennar var hún með  skemmtilegt tölt, táhreint og auðveld og sjálfberandi. 

Muska eignaðist tíu afkvæmi átta hestar og tvær hryssur. Eins og er, er búið að fara með fimm þeirra í kynbótadóm, aðaleinkunn þeirrra er  8,08 og fjögur þeirra eru með fyrstu verðlaun. Hryssurnar tvær eru báðar í ræktun hjá okkur, en það eru þær Mylla og Gráhildur. Mylla var tamin á fimmta vetur, fór í fyrstu verðlaun og lenti í sjötta sæti í fimm vetra flokki á LM´02  með 8,15. í aðaleinkunn.  Gráhildur var tamin og synd fjögurra og fimm vetra og endaði með 8,12 í aðaleinkunn. Gormur sonur hennar er með 8,22 í aðaleinkunn, jafn fyrir byggingu og hæfileika og var í úrslitum í B flokki á síðastliðnu landsmóti, Magni var að fara til Swiss og Monsi er að byrja í keppni í Noregi. 

Það er eftirsjá í Musku úr ræktun, afkvæmin hennar sem eru tamin, eru öll skemmtileg, flest auðsveip, ganghrein, með  auðvelt og hreint tölt og mörg þeirra vel prúð. Yngsta afkvæmið hennar er stór  og myndarlegur tveggja vetra foli undan Álfasteini, en hann er með henni á myndinni og þótt ótrúlegt sé, virðist þetta vera eina myndin sem til er af Musku.  

Mergur og sigurður V. Mattiasson	Gormur og Olil Amble
Magni og Bergur Jónsson	Gráhildur og Olil Amble
Monsi og Iselin Stöyen	Mylla og Álffinnssonur´10

 

Jóhannes á Kleifum.

Nú hafa þær breytingar orðið á, að nokkrar af gömlu hryssunum okkar eru hættar að eiga folöld. Aldursforsetin er hún Mugga frá Kleifum sem er orðin 28 vetra, hún er  undan Hnokka frá Steðja og Lygnu frá Kleifum. Mugga var aðeins með 7, 56 í aðaleinkunn í kynbótadóm, þ.a 8,5 fyrir tölt en aðeins 7,49 fyrir sköpulag. Hún var mjög góður töltari og stóð sig vel í töltkepnum á sínum tíma. Þetta er einmitt það sem mér finnst hún erfa sterkast frá sér, þetta takthreina sjálfberandi tölt. Mugga átti  fimmtán afkvæmi þ.a fimm hryssur  og tíu hesta. Dætur hennar Lygna og Muska hafa reynst góðar ræktunnarhryssur en undan Lygnu hafa komið til dóms átta hross og meðaltal þeirra er hvorki meira né minna en 8,22 þar af eru sex þeirra með fyrstu verðlaun. Lygna hefur gefið farsæl keppnishross og urðu m.a tvö afkvæmi hennar íslandmeistarar í slaktaumatölti sama árið, Kylja í opna floknum og Baldvin í meistaraflokki.

Hin dóttirin,  Muska drapst aðeins 15 vetra gömul, fylfull með Kraflari. Yngsta afkvæmið hennar er grár tveggja vetra foli undan Álfasteini. Muska eignaðist  tiu afkvæmi og hafa  fimm þeirra hlotið kynbótadóm, aðaleinkunn þeirra er 8,08  og þ.a eru fjögur með fyrstu verðlaun. Ætla að skrifa betur um Musku í næstu grein þar sem hún er ein af þeim merum sem eru farnar úr ræktun hjá okkur. 

Muggur sonur Muggu var keppnishestur Freyju í sex ár og urðu þau m.a tvöfaldir landsmótsmeistarar og  áttfaldir íslandsmeistarar. Magni sonur hennar var lengi vel keppnishestur Nils christian Larsen og urðu þau m.a noregsmeistarar í 4 gangi og var hann i norska landsliðini á norðurlandamótinu með nýja eiganda sínum Anine Lundh. Fleiri synir hennar hafa orðið  farsælir keppnishestar, eins og Dugur sem hefur staðið sér vel i 5 gangsgreinum fyrir norðan, Andvari hefur gert það gott í slaktaumatölti og fimmgangsgreinum í Noregi og Naggur og Skuggi standa sig vel í Sviss.

Dæturnar urðu fimm og engin dóttir hennar í ræktun hjá okkur eins og er, eitt merfolald undan Austra frá Austurkoti drapst, Lygna er ekki í okkar eigu og Musku misstum við í fyrra. Tvær ungar hryssur eru til undan henni, en það eru alsystur undan Ljóna, tveggja og þriggja vetra gamalar.

Mugga var fyrsta hrossið sem ég eignaðist frá Jóhannesi á Kleifum í Gilsfirði og var móðir hennar Lygna, 1 verðlauna hryssa, við eignuðumst  Muggu þegar Jóhannes setti hana í tamningu til min og var það byrjunin á löngu og farsælu samstarfi hjá okkur í Stangarholti og Jóhannesi og fjölskyldu hans. Voru farnar ófáar ferðir að Kleifum til að skoða hross og ræða málin. Enda var Kleifafólkið gott heim að sækja og Jóhannes var mikill,hesta og hundamaður, með sjálfstæðar og sterkar skoðanir. 

Mugga er á Ketilsstöðum og mun eyða siðustu árum æfi sinnar þar eða eins lengu og hún hefur heilsu til, hún er að verða mjög létt á sér aftur eftir hún hætti að eiga folöld og dettur mér stundum til hugar að hún sé búin að gleyma að hún var einnu sinn tamin,þar sem hún hleypur um í landi Ketilsstaða.

 

Mugga  26 v. Brynja, Freyja og Steinar	Muggur og Freyja Amble Gislad.
Magni og Nils Christian Larsen	Naggur og Gry Hagelund
Andvari og Mia Möller	Dugur og Steinar Amble Gíslason
Mugga á Ketilsstöðum, júni´10	Mugga 28 v.

 

Þótt ótrúlegt sé er Bergur að verða 50 ára, hingað til hefur hann ekki verið mjög afmælisglaður og á fertugsafmælinu sinu lét hann sig hreinlega hverfa í nokkra daga.

Siðan eru liðin tíu ár og liklega hefur hann þroskast, því nú er komið annað hljóð í strokkinn.

Læt ég hér fylgja auglýsinguna sem við settum i Dagsrána hér um daginn.

 

Álfadís er komin heim, en hún er búin að vera á Þúfu hjá Orra í dágóðan tima. Hún er orðin fylfull, tæplega mánuð gengin með. Hér er Álfadís með folaldinu sínu, en það er hryssa undan Dug frá Þúfu. Hún reyndist vera veik af hrossapestinni og er heimavið þangað til hún er búin að jafna sig. Veðrið í dag var æðislegt  og Karen Rós, dótturdóttir Bergs notaði tækifærið og settist á bak Álfadís sem var hin ánægðasta með það, eins mannelsk og hún er.

Jæja þá erum við komin að vestan, en þar vorum við í fimm daga  að sýna kynbótahross, en vegna pestarinnar náðum við ekki að sýna neinar hryssur í vor, því þær voru orðnar veikar þegar fyrri kynbótasýningar stóðu yfir. 

Vegna veikinda Bergs fengum við Jakob Sigurðsson og Sigurð Vigni Matthíasson til að  aðstoða okkur í þetta sinn, en alls voru sýnd þrettán hross á okkar vegum. Þar af var einn stóðhestur, Mergur frá Selfossi, sem var sýndur í vor en hóstaði einu sinni í síðustu ferð sýningarinnar og hlaut ekki dóm. Núna er hann hinsvegar frískur aftur og hlaut hann 8,05 í aðaleinkunn, þ.a 7,83 fyrir sköpulag og 8,20 fyrir hæfileika. Í  fyrra var hann  með einkunnina 7,97,  4 vetra gamall, þá sýndur sem klárhestur. Núna fékk hann 8,0 fyrir skeið en lækkaði þá  á ýmsum öðrum stöðum.

Heilladís var sýnd aftur, en hún er fimm vetra gömul undan Álfadísi frá Selfossi og Suðra frá Holtsmúla, núna gekk  mun betur enn  í fyrra, en þá var hún með 7,63. Þá var hún sýnd án skeiðs, en hlaut 8,0 fyrir það núna og endaði í 8,32 í aðaleinkunn, 8,09 fyrir sköpulag og 8,46 fyrir hæfileika. 

Hafdís frá Hólum er 5 vetra gömul Álfasteinsdóttir hún hlaut hún 8,27 í aðaleinkunn þar af 8,65 fyrir hæfileika, en fjögurra vetra gömul var hún með 7, 90.

Gátt frá Dalbæ er undan Storku frá sama bæ og Adam frá Ásmundarsstöðum. Hún hlaut  8,20 í aðaleinkunn þar af 8,14 fyrir hæfileika, en í fyrra var hún með 7, 90, fjögurra vetra gömul.  Gáta frá Hlíð  er fimm vetra gömul undan Glódísi frá Eyrabakka og Álfasteini frá Selfossi, hún var sýnd í fyrsta sinn og hlaut hún 7, 67.

Svo eru það fjögurra vetra hryssurnar, þær eru flestar náskyldar og hvor annari skemmtilegri, alls voru þær átta.   Bylgja alsystir Brimnis marðist i hóf og var óljóst hvort hægt væri að sýna hana, við reyndum samt og beðið var fram á siðustu stundu en hún reyndist hölt. Hún hlaut 8,08 fyrir byggingu, sem má teljast góð byrjun þar sem fótagerð og hófar eru langt undir getu almennt á þessum tima.

Efstar voru hálfsysturnar Lilja Dís frá Fosshofi og Sýn frá Ketilsstöðum með 7, 94. Þær eru  undan Álfasteini, en mæður þeirra eru Lilja frá Litla Kambi og Snilld frá Ketilsstöðum. Lilja Dís hlaut 7,84 fyrir byggingu og 8,0 fyrir hæfileika og Sýn hlaut 7,90 fyrir byggingu og 7,96 fyrir hæfileika. 

Svo var það litla systir Álfadísar hún Aðaldís frá Syðri Gegnishólum, undan Grýlu frá Stangarholti og Aðal frá Nýja-Bæ. Hún hlaut 8,04 fyrir byggingu og 7,80 fyrir hæfileika samtals 7, 90 í aðaleinkunn. 

HálfsysturnarVédís frá Hellubæ og Drift frá Ketilsstöðum undan Álfasteini  fengu báðar  samtals 7,79 í aðaleinkunn. Védís er undan Vöku frá Hellubæ og fékk 7,72 fyrir sköpulag, 7,83 fyrir hæfileika. Drift er undan Hefð frá Ketilsstöðum hlaut hún 7,94 fyrir sköpulag og 7, 68 fyrir hæfileika. 

Hátign frá Ketilsstöðum er undan Dalvari frá Auðsholtshjáleigu og Þernu frá Ketilsstöðum, hún hlaut 8,03 fyrir sköpulag, 7,57 fyrir hæfileika og samtals 7, 76.

Hóladís frá Hólum rak síðan lestina í þetta sinn, hún er undan Frigg frá Miðsitju og Gígjari frá Auðsholtshjáleigu hún fékk 7, 50 fyrir sköpulag og 7,58 fyrir hæfileika, samtals 7,55.

Það var gaman og gott að vera á Miðfossum þessa daga, aðstaðan mjög góð og með smá lagfæringum mætti gera Miðfossa að einum skemtilegasta sýningarstað landsins. Svo þökkum við Helga staðarhaldara fyrir góðar móttökur og þeim Jakobi og Sigga fyrir aðstoðina.

Mergur 6 v.
Heilladís 5 v.
Hafdís 5 v.
Gátt 5 v.
Gáta 5 v.
Lilja Dís 4v.
Sýn 4 v.
Aðaldís 4 v.
Védís 4 v.
Drift 4 v.
Hátign 4 v.
Hóladís 4 v.

   Myndir : Gangmyllan.

Jæja,  þá er siðasta kynbótasýning ársins framundan, hún verður haldin á Miðfossum í Borgarfirði og byrjar næstkomandi mánudag. Við vorum búin að skrá hrossin okkar á Hellu en vegna veikinda Bergs færðum við öll hrossin yfir á Miðfossa, en hann fékk sýkingu i gallblöðruna og er búinn að vera á spitala í viku. Við eigum eftir að sýna slatta af hryssum en þær voru orðnar veikar þegar kynbótasýningarnar voru í vor, sum hrossanna eru enn veik og verða því miður ekki sýnd í ár eins og t.d Flugnir en hann er enn með í lungunum og er ekki í þjálfunnarástandi. 

En það eru nokkrar ungar og vel ættaðar hryssur sem verða sýndar eins og t.d þær Hátign og Drift frá Ketilsstöðum en þær eru fjögurra vetra gamlar og þessi mynd var tekinn af þeim þegar þær voru að leggja loka hönd á verkið,

en það skiptir auðvitað máli að líta vel út, vera tanaður og fínn.

 

Jæja, þá koma loksins aftur fréttir. Tölvan er búin að vera biluð og engin smá vinna að koma hana aftur í lag. Ýmislegt er búið að gerast, en það helsta er að við sýndum nokkur hross á kybótasýningunni sem var á Hellu í lok júlí. Hrossin okkar eru smá að verða frísk aftur eftir löng veikindi, eða það er að segja þau hross sem veiktust fyrst. Veikindin virðast taka óratíma og ótrúlegt hversu litla athygli hún fær hjá stjórnvöldum. Heil stétt búin að vera atvinnulaus í marga mánuði. Á mörgum stöðum eru veikindin á hápunkti og virðist margir halda að hún sé í rénum vegna þess a mótahald er komið af stað aftur. En það er bara litill hópur hrossa sem teljast orðin frísk aftur.

En hvað með það, við sýndum sem sagt þrjú kynbótahross á Hellu, Amazon sem er í eigu dóttir Bergs, Guðbjörgu Önnu Bergsdóttir, Magni frá Selfossi sem nýbúið er að selja Möru Staubli í Swiss og Hafdísi sem er ræktun og í eigu Vildísar og Steindórs á Hólum.  

Auk þess var sýndur Askur frá Ketillstöðum sem er 6 v. í eigu Hjördísar Árnadóttir og Sigurðs Vignis Mattíassyni.

 

Amazon er fjögurra vetra gamall, undan Orku frá Gautavík og Natani frá Ketilsstöðum, hann fékk fyrir sköpulag 8,24, 7,72 fyrir hæfileika þ.a 8,5 fyrir háls og herðar og tölt og 9,0 fyrir samræmi enda ákaflega lofthár og fallegur foli. Samtals hlaut hann 7,93. Til gamans má geta að hann er fyrsta afkvæmi Natans sem fer í kynbótadóm og gerum við okkur miklar vonir með hann á næsta ári þegar hann er búinn að fyllast og öðlast styrk til að fylgja hreyfingum sínum betur eftir.

Magni frá Selfossi var sýndur aftur, hann er sex vetra undan Musku frá Stangarholti og Leikni frá Vakursstöðum. Hann var með 7,85 í fyrra en fékk 7,88 núna. Við vorum mjög ósátt við 7,5 fyrir háls og herðar sem hann fékk í fyrra en núna var staðið við það og hann lækkaður enn nú frekar fyrir byggingu. Þá er lítið hægt að gera þótt hann hækki fyrir hæfileika, klárhestar eiga hvort eð er erfitt með nýja fyrirkomulagið. Enda eru þeir í hugum margra, annarsflokks hestar, ófullkomnir. Hann hlaut 8,5 fyrir flest allt í hæfileikum og er efnilegur hringvallahestur. Það er eins gott að hann fékk ekki hærra svo einhverjum gæti dottið í hug að nota hann, að rækta hringvallahesta virðist  ekki alltaf æskilegt takmark. Maður fær nokkur  símtöl á dag, þar sem spurt er um efnilega eða reynda keppnishesta og það virðist engin veginn vera til nóg af svoleiðis hestum, skrýtið.......

Svo sýndi Bergur Hafdísi frá Hólum en hún er fimm vetra dóttir Spurningar frá Ölvaldsstöðum og Álfasteins frá Selfossi. Í fyrra var Hafdís með 7, 90 en núna hlaut hún 8,11,  7, 70 fyrir byggingu og 8,38 fyrir hæfileika. Hafdis er flugviljug og frábær gæðingur þó að nokkrir þættir í byggingunni mættu betur fara.

Sigurður Vignir Mattiasson sýndi Ask frá Ketilsstöðum sex vetra gamlan, sem var seldur Hjördísi Árnadóttir þegar hann var fjögurra vetra gamall. Askur er undan Þöll frá Ketilsstöðum og Álfasteini frá Selfossi, hann fékk 8,05 i byggingu, 8,20 fyrir hæfileika og 8,14 samtals. Að sjá er Askur gullfallegur og efnilegur og jafnvigur alhliðahestur, sem gaman verður að sjá hverning þróast í framtíðinni og viljum við nota tækifærið að þakka þeim Sigurði Vigni og Hjördisi fyrir sýninguna á honum.

Amazon 4 v.	Magni 6 v.
Askur 6 v.	Hafdís 5 v.

Var með samantekt hérna um daginn um Álfastein og afkvæmin hans og nú finnst mér vera við hæfi að skoða útkomuna hans Álfs. En hann er annar sonur Álfadísar og að nokkru leiti mjög likur henni, frábær hreyfigeta og svo virðist hann hafa erft þetta einstaka og frábæra geðslag hennar. 

Eins og staðan er í dag er hann með 7 sýnd afkvæmi, þar af eru tvö með 8,0 eða hærra og hæðst þeirra er Álfadrottning  5 v. frá Austurkoti með 8,32 í aðaleinkunn, eitt hross eru með 7,96, en þrjú eru með frá 7,81 til 7,82 og lægst þeirra er 5 v hryssan Álfrún frá Rökstua með 7, 66. 

 Meðaleinkunn sjö sýndra afkvæma er 7,93 sem hlýtur að teljast mjög flott útkoma.  

Svo má reikna með þvi að fleiri akvæmi hans koma i dóm, þegar liður á sumarið, en ástandið setur auðvitað svip á allt syningarhald þetta árið en vitað er um marga  lofandi graðhesta almennt, sem eru komnir í hryssur og verða ekki sýndið fyrr en á næsta ári. Spurningin er hvort að ungu hrossin hafi úthald í svona langt timabil og það vitum við auðvitað ekki fyrir visst fyrr en á það hefur verið reynt.Þetta bitnar auðvitað meira eða minna á alla og allveg öruggt er að heildaútkoma ársins raskas. En einhver rauður þráður er sjáanlegur og finnst mér mjög gaman að spá i spilin.

 

 

 

 

 

Álfadrottning frá Austurkoti

Knapi: Pall Bragi Hólmarsson

Á síðustu dögum hafa fæðst hjá okkur tvo hestfolöld til viðbótar undan Álffinni, en mæður þeirra eru Vænting og Gráhildur.Við fengum fyrst þrjú einlit, svo þónokkur skjótt i röð og núna voru það tvö einlit. Brúnn hestur undan Væntingu og jarpur hestur sem verður grár undan Gráhildi.

okkur sýnist vera mikill svipur með þeim sem fædd eru, þau eru mjög reist með skásetta bóga og virka fótahá.

 

 

Við fórum á Hellu í dag að skoða kynbótahross, bara svona í gamni, en verð nú að viðurkenna að við vorum búin að frétta af því að það ætti að sýna nokkra hesta sem okkur langaði að sjá. Auðvitað fórum við ekkert heim strax þegar hollinu lauk heldur vorum við þarna allan daginn, enda ekki leiðinlegt því þarna kom fram þó nokkuð af góðum hestum sem gaman var að horfa á. Á meðan við vorum þarna sáum við Álfasteinssoninn Sporð frá Bergi en hann er 5 v. gamall og fékk hann 8,24 í aðaleinkunn. Hann var flottur og mjög efnilegur alhliðahestur, en fyrr í dag var sýndur annar Álfasteinssonur en það var Glitnir frá Eikarbrekku, sem er 4 v.og fékk 8,08  aðaleinkunn. 

Eins og staðan er í dag er hann með 17 sýnd afkvæmi, þar af eru tíu með 8,0 eða hærra og hæðstur þeirra allra er Brimnir 5 v. frá Ketilsstöðum með 8,45. Fjögur hross eru með 7,90-8.00, en aðeins þrjú með lægra og lægst þeirra er 5 v hryssan Fjóla frá Holtsmúla með 7, 29. 

 Meðaleinkunn sautján sýndra afkvæma er 8,01 og er ekki hægt að segja annað enn að sú útkoma sé glæsileg. 

Brimnir frá Ketilsstððum, aðaleink.8,45    Mynd : Gangmyllan.

Sporður frá Bergi, 5v. aðaleink.8,24 Knapi: Daniel Jónsson.  Mynd: Kolbrún Grétarsdóttir.

  

Það verður að segjast eins og er það er hálfskrýtið tímabil núna, við erum ekki búin að ríða út í um fjórar vikur og lansmótið hefði átt að hefjast í dag. Maður hefur nánast ekki farið í reiðbuxurnar í mánuð, þetta er ótrúleg staða. En vonandi fer að greiðast úr þessu, allavega sýnist okkur hrossin vera að hressast.  Vonandi fer maður að geta þjálfað  og sýnt einhver kynbótahross í lok júlí eða á síðsumarsýningu.

En það eru alltaf einhverjar bjartar hliðar og við hittum enga tamningamenn öðruvisi en að talað sé um hversu mikið sé búið að girða og taka til.

Eitthvað höfum við gert lika eins og allir hinir,girðingar eru að verða í allgóðu lagi og svo er verið að stækka hólinn sem húsið stendur á, með því að hlaða grjóti  og keyra að efni. Við erum ekki nærri búin en það er nú ekki erfitt að sjá að heilmikið sé að gerast.