May 12
Verð að koma með fréttirnar strax, en það var að koma í ljós að Álfarinn er í toppstandi. En eins og við höfum sagt frá gekk ekki vel hjá honum að fylja hryssur í fyrra en aðeins ein hryssa kastar við hann í ár. Upp kom getgátur um að mikilli lyfjagjöf móðurinnar þegar hann var á fósturstigi, hafi haft áhrif á þroska hans. En Álfadís slasaðist lítillega þegar hún var í girðingunni hjá Keili, þetta leiddi til þess að hún fékk sýkingu í lið og á timabili leit þetta ekki vel út, hætt var að hugsa um fóstrið og snúið að því að bjarga henni, og fylja hana síðan aftur, enda var talið nokkuð víst að hún myndi láta. Þetta sumar og haust var hún sónuð marg oft en hún hélt fylinu þannig að við létum hana halda því vonuðum eftir það besta. Þegar síðan kom í ljós að hann fyljaði illa í fyrra var maður farin að velta því hvort maður hafi tekið ranga ákvörðun á sínum tíma. Í vor var tekið úr honum sýni og þá kom í ljós að allt virtist vera í lagi nema það að hann var með sýkingu sem hann var meðhöndladur við, en hugsanlegt er að það hafi bara verið hún sem var að stríða hann í fyrra. Í morgun fórum við með Álfarinn i Sanhólaferju, en þar átti hann að vera í nokkra daga til þess að ransaka úr honum sæðið. Guðmar í Sandhólaferju tók úr honum sæði strax þegar hann kom og það reyndist vera í svo góðu lagi að hann sagðist treysta sér til að sæða tuttugu hryssur með þessum eina skammti. Að svo sögðu sendi hann okkur heim með hestinn. Þetta eru auðvitað mjög góðar fréttir enda er Álfarinn gullfallegur sonur Álfadísar frá Selfossi og Keilis frá Miðsitju, sem sagt albróðir Álfasteins frá Selfossi, sem þykir vera mikil eftirsjá úr landi. Álfarinn verður í girðingu hér hjá okkur í Syðri Gegnishólum í allt sumar.
Þessar myndir voru teknar af Álfarni í fyrra, en þá var hann tveggja vetra gamall. Myndir: Gangmyllan
